वीरगंजमा नागरिकताविहीन युवाहरूद्वारा प्रदर्शन

वीरगंज, २२ जेठ । नागरिकता विहीन संघर्ष समितिको अगुवाइमा सोमवार वीरगंजमा युवाहरुले प्रदर्शन गरेका छन् ।
नागरिकता ऐन तत्काल कार्यान्वयन नगर्न सर्वाेच्च अदालतले अल्पकालीन आदेश जारी गरेको विरोधमा सोमवार युवाहरुले वीरगंजको घण्टाघरमा प्रदर्शन गरेका थिए । घण्टाघर चोकमा जम्मा भई नाराबाजी गर्दै जिल्ला प्रशासन कार्यालय पर्सामा पुगेर केही बेर धर्ना दिएका उनिहरूले त्यसपछि पुन जुलुससहित नाराबाजी गर्दै नगर परिक्रमा गरेका थिए ।
नगरपरिक्रमा पछि पुन घण्टाघरमा पुगेर सडकमा धर्ना दिएका थिए । उनीहरूले प्रदर्शन गर्दै नेताहरुको फोटो जलाएका थिए ।